香港文匯報訊（記者 子棠）黎諾懿日前接受新城廣播節目《Ben同Benson『Chur』到行》錄音訪問，並罕有自揭真實的性格反差，他坦言熒光幕前溫文儒雅的形象只是一面，私下的他曾經脾氣火爆，而改變他的正是其太太李潔瑩。
諾懿形容自己是典型的雙子座，擁有兩面性格，對於不熟悉的朋友，他表現斯文，但在熟悉的朋友面前則會展現真性情，笑指太太曾說他跟一個「老粗」分別不大；還自爆十多年前性格衝動，被陳法拉改暱稱名「火猴子」，因肖猴兼火爆，直認當年年少氣盛及不懂尊重別人，導致性格暴躁。
談及與太太的相處，諾懿充滿感激、深情表示：「佢係我嘅『樹窿』，我有啲咩都會返去同佢講。認識太太之後，我嘅脾氣開始變得愈嚟愈好，佢教識我做人唔需要同人有衝突。」他更分享了一個為愛而改變的難忘事：「我追佢嘅時候，因為佢唔鍾意人食煙，我用咗兩日就已經戒咗。」
諾懿與兩個兒子的相處像朋友，除了不會打罵他們，更會放任他們做「曳事」，諾懿解釋：「男仔太過保護佢唔得，佢將來都有家庭要照顧，所以畀佢撞吓板。最近上中文堂，老師嘆氣，佢又嘆氣，老師問佢做乜嘆氣？佢反問老師『咁你又嘆氣』，佢好據理力爭，尊師重道都重要，但個仔邏輯觀念上又冇錯，所以教佢時要搵番個平衡點。」諾懿亦十分着重兒子們的溝通技巧，希望他們懂得四種語言以上：「我冇乜讀過書，英文、普通話唔叻，之前參加內地綜藝節目有啲唔開心，因為唔能夠同人暢所欲言，見到謝霆鋒同人用英文傾計好羡慕，希望我個仔將來都可以好大方同人哋傾偈。」