香港文匯報訊（記者 梁靜儀）羅子溢在台慶劇《金式森林》飾演的高深，被譽為劇集MVP，談到角色贏盡好評，子溢一再感激網民及觀眾的支持。原來子溢為了高深這個角色確是花了不少心思，單是「茶色眼鏡」、背後的故事及認真度已令人相當佩服：「開頭監製想要另一副圓少少嘅眼鏡，但我覺得唔係咁啱我面形，我就自己搵過啲有框嘅眉鏡。鏡片因為想增添神秘感、畀人睇唔透嘅感覺，所以我真係搵我做眼鏡生意嘅朋友幫手調色，我揀完個顏色再揀透光度，因為唔想影響拍攝、太深色會反射到好多機器同燈，但又想見到眼神，所以我哋由45度到40度再到35度……最後決定用30度。」子溢笑言劇集出街後，有網民私訊問他眼鏡牌子，足證引起關注。
除了眼鏡款式、鏡片顏色及透光度，子溢還為角色設計了兩個小動作，分別是「單手插袋」自信Chok甫、以及慢條斯理的語速，結果兩個小心思都喜獲正評。子溢在訪問中，也親自拆解了單手插袋的含意：「呢個動作係想增添胸有成竹嘅感覺，高深係深謀遠慮嘅，同埋如果對方行一步、我個角色就行十步，所有危機佢都有信心解決、或者變成轉機嘅。」